خامه شکاو
درباره سایت
آخرین مطالب
امکانات وب
( 1 )
بانگەواز مەکە گوڵێ!
روخسارم ، چاوەکانم ،
تەنانەت هەناسەکەشم
هاواری ئەم کۆسپە دەکەن.. !
بانگەواز مەکە گوڵێ!
دار و دیواری ئەم شارە
زۆر لە میژە هاوڕێ خەمەکانمە،
شەقامەکانی
دەفتەری بیرەوەری هەنگاوەکانمە ،
ئاسمانی ئەو
بە قەبارەی خیاڵم
ئامێزێکی ئاواڵە بوو
بۆ دەردی دڵم.
بانگەواز مەکە گوڵێ!
لەم شارە
هەموو باسی
بێ وەفایت دەزانن ،
دەزانن کە ساڵانێکە
ئەم شاعێرە دڵ شکاوە
بە خامەیەکی شکاوە و
شێعر دەکات بە قەد باڵات ،
وشەکانی دەبن بە ئەستێرە
وەکوو چاوت ،
مسرەعەکانی دەبن بە گوڵ
وەکوو خۆت و
دەپشکوون وەکوو خونچەی دەمت.
( 2 )
ئەمشەو
خەونێکی چەپەڵ ،
دڵڕەق و ناحەز
لە ڕەشایی چاوم
خۆی درخست و قیژانی :
- هۆ خۆش خەیاڵی دڵ ناسک
ئەوتا لەو پەڕ وڵات
گوڵەکەت
لە باوشی باخچەیەکی تر
بەدەم شنەی شەماڵێکی تر
سەما دەکات.......!
زانا سەعیدزاده ، 31 ی خەرمانان 2716 سەقز
برچسب: بانگەواز,بانگەوازی ئیسلام,کەناڵی بانگەواز,
نویسنده: پرهام اسدیان